Vottunarferlin eru komin til ára sinna. Þess vegna leysir „Worldwide Harmonized Light Vehicles Test Procedure“, skammstafað WLTP, NEFZ-ferlið af hólmi við að reikna út eyðslu- og útblástursgildi. „Nýja evrópska aksturslotan“ (NEFZ), sem notuð hefur verið í Evrópu frá 1992, var fyrst búin til sem fræðileg mæling á akstri. Nútímalegt vottunarferli ætti þó að skila gildum sem eru eins nálægt raungildum og hægt er. NEFZ-uppfyllir þær kröfur ekki lengur. Þess vegna þróaði Efnahagsnefnd Sameinuðu þjóðanna fyrir Evrópu (UNECE) WLTP-ferlið. Nýja WLTP-lotan byggir á raunverulegum reynsluupplýsingum úr akstri frá leiðum í Asíu, Evrópu og Bandaríkjunum og er þar af leiðandi mun nærri raunveruleikanum.

Auk þess er útblástur skaðlegra efna við raunverulega notkun ökutækja á götum mældur í nýja vottunarferlinu. Nýjustu útblástursstaðlarnir Euro 6C, Euro 6d-TEMP og Euro 6d innihalda, auk WLTP-vottunarinnar sem fer fram á rannsóknarstofu, mælingu á losun skaðlegra efna á götum úti. Útreikningur á „Real Driving Emissions“, skammstafað RDE, á að tryggja að ekki sé farið yfir skaðsemismörk hvað varðar nituroxíð og agnafjölda, ekki bara á rannsóknarstofum heldur einnig í raunverulegri umferð.